Пуціну адаслалі ліст па пошце, бо ў Амбасаду Расеі ў Менску ЛГБТ–актывістаў не пусьцілі
Навіны. Беларусь.
28 кастрычніка 2008 а 835.
Сяргей.
27 кастрычніка ЛГБТ–актывісты не змаглі правесьці пікет каля сьценаў расейскай амбасады, тым ня менш яны вырашылі наведаць Амбасаду Расейскай Федэрацыі ў Менску для перадачы Адкрытага Звароту да Амбасадара Расеі ў Беларусі Сурыкава Аляксандра Аляксандравіча й Старшыні расейскага Ўраду Пуціна Ўладзіміра Ўладзіміравіча, зьвязанага з масавымі парушэньнямі правоў гомасэксуалаў у Расеі ў апошні час: забаронай Парадаў Гонару на працягу трох год, арыштамі наведвальнікаў і супрацоўнікаў гей-клюбаў, забаронай правядзеньня фестывалю ЛГБТ-фільмаў «Бок-о-бок».
Непадалёк ад Амбасады стаяла тры міліцыянты, якія пільна сачылі за парадкам на Старавіленскай.
Тым ня менш невялікая група ЛГБТ–актывістаў падышла да ўваходу ў Амбасаду. Прыняць Ліст на імя Пасла адразу катэгарычна адмовіліся па маўленчым апараце. Жаночы голас параіў гэта зрабіць праз пошту, што й зрабілі беларускія актывісты руху за правы сэксуальных меншасьцяў. Яны пайшлі на бліжэйшую пошту й адаслалі Адкрыты Зварот Сурыкаву й Пуціну. Зараз ЛГБТ–актывісты чакаюць паведамленьняў аб дастаўцы сваіх лістоў.
Спасылкі, выкарыстаныя ў гэтым матэрыяле
не змаглі правесьці пікет каля сьценаў расейскай амбасады
http://gayby.org/naviny/belarus/mengarvykankam-ne-dazvoliu-gomaseksualam-piket-kalya-raseiskai-ambasady.html
Адкрытага Звароту да Амбасадара Расеі ў Беларусі Сурыкава Аляксандра Аляксандравіча й Старшыні расейскага Ўраду Пуціна Ўладзіміра Ўладзіміравіча
http://gayby.org/naviny/belarus/otkrytoe-obraschenie-k-poslu-rossii-v-belarusi-i-predsedatelyu-pravitelstva-rossiiskoi-federacii.html
Ліст на імя Пасла
http://gayby.org/naviny/belarus/otkrytoe-obraschenie-k-poslu-rossii-v-belarusi-i-predsedatelyu-pravitelstva-rossiiskoi-federacii.html
